Цаг уурын мэдээ > Хөдөө аж ахуйн цаг уурын тойм

Хөдөө аж ахуйн цаг уурын 2019 оны 6-р сарын эхний арав хоногийн тойм

Шинэчлэгдсэн: 2019-06-25 14:16:00

Цаг агаарын нөхцөл

Температур:

     Энэ арав хоногийн агаарын дундаж температур Олон жилийн дундаж температуртай харьцуулахад Манлай, Ханбогдын нутгаас бусад нутгаар 2-3 градусаар дулаарч Ханбогд, Баян-Овоо, Номгон, Баяндалай, Мандал-Овоо сумдын нутгаар 22-24 градус, бусад нутгаар 20-21 градус дулаан байлаа.

Хугацааны эхээр сэрүүн байсан боловч 5-аас дулаарч өдөртөө Булган, Ханбогд, Мандал-Овоод 33-34 градус, бусад нутгаар 28-32 градус хүрч халан 30 градусаас их халуун өдрийн тоо дээрх сумдад 4-5 өдөр, бусад нутгаар 2-3 өдөр ажиглагдлаа.

Харин хөрсний өнгөн хэсэгтээ дунджаар Цогт-Овоо, Гурвантэс, Манлай, Номгон сумдаар 25-27 градус, бусад нутгаар 28-32 градус байсан ба нийт нутгаар 8-10 өдөр 40 градусаас давж 53-59 градус хүрч халсан байна.

Салхи:

Энэ хугацаанд Даланзадгад, Баяндалай, Ноён, Сэврэй сумдаас бусад нутгаар ихэнхдээ салхи ихтэй өдрүүд байлаа. 10 м/с дээш салхитай өдөр 5-9 өдөр ажиглагджээ. Салхины хүч хугацааны эхээр болон сүүлчээр хамгийн их байж уулархаг нутгаасаа бусад хэсгээр 16-24 м/с хүрч аюулын хэмжээнд хүрсэн ч хохирол учруулаагүй байна.   

   

Хур Тунадас

2, 8-9-нд зарим нутгаар түр зуурын аадар бороо орж Мандал-Овоо, Цогтцэцийн нутгаар 0.8-1.1мм, Цогт-Овоо, Гурвантэс, Ханбогд сумдын нутгаар 0,0-0,4мм тунадас өглөө. Өмнөх хугацаанд орсон борооны чийг хатаж хуурайшиж байна.

ХАА-н үйлдвэрлэл, бэлчээрийн хүрэлцээ

Ихэнх нутгаар бод мал төллөх ажил үргэлжилж, Ноён, Сэврэй, Хүрмэний нутгаар хонь тэмээний ноос хяргах, Гурвантэсд мал оторлох ажил эхлээд цаг агаар тохиромжтой нөлөөтэй байна.

Ихэнх нутгаар бэлчээрийн ургамлын ургалт сайн, зуншлага сайтай байна. Харин нутгийн баруун болон зүүн өмнө, өмнөд хэсгээр ургамал үзүүрээсээ шарлаж хатан гэмтэж ургалтын байдал удаашрах төлөвтэй болоод байна.  

 

Бэлчээрийн ургамлын дундаж өндөр Манлайд 14см, Булганд, Даланзадгад, Ханбогд, Мандал-Овоо, Цогтцэций сумдын нутгаар 7-10см, бусад нутгаар 2-5см байгаа бөгөөд ургамлын үе шат хэвийн явагдаж үетэн ургамал толгойлж эхлээд байна.

Малын тарга хүч, усан хангамж

Ихэнх нутгаар бод малын тарга хүч 70-90 хувь нь дунд болон дундаас дээш, 10-20 хувь буюу төлөлсөн эх мал дундаас доогуур,  харин бог малын  тарга хүч 60-70 хувь нь дунд болон дундаас дээш, 20-30 хувь нь буюу эх мал болон төлөг борлон голдуу дундаас доош тарга хүчтэй байгаа ч ерөнхийдөө малын тарга хүч боломжийн сайн байгаа ч Гурвантэс, Баяндалай, Хүрмэний малын тарга хүч бусдаасаа арай муу байна.    

Ил задгай устай болсон, худаг нэмж гаргаснаар усан хангамж сайжирч байгаа хэдий ч Баян-Овоо, Баяндалай сумдын нутгаар мал усандаа ханахгүй муухан байсаар байна

Дүгнэлт

  • Манлай, Ханбогдын нутгаас бусад нутгаар ОЖД-аас 2-3 градусаар дулаарч Ханбогд, Баян-Овоо, Номгон, Баяндалай, Мандал-Овоо сумдын нутгаар 22-24 градус, бусад нутгаар 20-21 градус байж дулаарч өдөртөө Булган, Ханбогд, Мандал-Овоод 33-34 градус, бусад нутгаар 28-32 градус хүрч халлаа.
  • Салхи ихтэй байсан боловч шуурга шуураагүй, МАА-д хүндрэлгүй өдрүүд байв.
  • Бэлчээрийн ургамлын ургалт сайн, зуншлага сайтай байна. Харин нутгийн баруун болон зүүн өмнө, өмнөд хэсгээр ургамал үзүүрээсээ шарлаж хатан гэмтэж ургалтын байдал удаашрах төлөвтэй болоод байна. 

 

ХААЦУ-ын инженер Ш.Уранчимэг

 

 

 

 

 

 

 

 

 

 

 

 

 

 

Холбоотой мэдээний жагсаалт

Гарчиг Үүсгэсэн огноо Шинэчлэгдсэн огноо Хандалт
Хөдөө аж ахуйн цаг уурын 2019 оны 6-р сарын эхний арав хоногийн тойм 2019-06-13 2019-06-25 17